اليوم سألت سؤال، هل ممكن تخون مشاعرك عشان تسمع كلام عقلك؟

.أغلبية الناس أخدوا صف عقلهم

هل دا يعني ان القلب مجرد مضخة دم؟، طيب إذا الكلمة الأخيرة كانت كلمة العقل، ليش النبض هوا أول شي  نخاف عليه لما أحد يغمى عليه؟

.لان بين آخر نفس و الموت نبضة وحدة

“أكيد دحين رح تقولوا “يعتمد، في أشياء لازم تتشاور فيها مع قلبك وعقلك، و في أشياء بديهيه بعقلك

.العقل مو دايماً هوا مقياس القرارات الصح و العقلانية

 أنت رح تعيش مرا وحدة، أفتكر كل موقف قلبك فز فيه، وجاك احساس، حلو كان أو مُر، بس ما أعطيته أي اهتمام لان أنت عقلاني، بعدها، و قبل ما تغمض عينك و تنام، تفتكر النبض الي هزك وقتها، و عقلك يقلك ياليتني سويت كدا، هل رح تضمن تاني يوم انك تصحى، و ترجع تدور على النبض دا؟ طبعاً لا

و صح ان كل واحد فينا كبر بطبيعة عيلته، ولو عاداته و تقاليد أهله، أصولهم و تربيتهم، بس فين الغلط لو أنا قررت أطلع عن التقاليد دي عشان قلبي يبا يعيش، مو لازم كل مرا قلبي يدق فيها أفكر بأجداد أجدادي عشان أقرر الدقة دي تستاهل تتعبر، أو لا بلاش عقلي يقول فكري بكلام الناس أول

بس أنا ما بسوي شي غلط، أنا فقط أبا أعيش، أبا أعيش بدون ما اندم إن في، أيام ،أو أحد، أو فرص ، ضاعوا مني، و سبت الدنيا و قلبي متحسر، بسبب كلام و تفكير الناس

أنا مع ان العقل و التفكير الواعي مهمين في الشغل و المستقبل، دراسة، اجتماعات، قرارات موظفين، إدارة،… بس ما لاحظتوا؟..ان قلبكم كان لو القرار في اختيار مهنتكم و الطريق الي تبو تكملوا بيه مستقبلكم؟

.لأنكم ببساطة تحبوه و تلاقوا نفسكم فيه

ما أقول إني ما افكر قبل أي قرار أتخذه، بس بعد تفكير يدوم ساعات لين الصداع، تجيني ماما و تقلي الجملة الي أنا كمان دايماً أقولها لنفسي و الي تحل أغلب مشاكلي

“إيش حاسة “